Ireki dute berriz ere Anoetako Abraham Olano Kiroldegia, baina Covid-19a dela eta segurtasun neurri bereziak aurreikusi dituzte. Batetik, joan aurretik, bezperan, erreserba egin beharko da 688 66 39 50 telefono zenbakira 11:00etatik 13:00etara edo 15:00etatik 19:00etara deituta. Eta bestetik, kiroldegira joan aurretik erabiltzaile bakoitzak sukarra duen edo ez egiaztatu beharko du eta kiroldegian bertan maskara jarrita egon beharko da.
Era berean, sartu aurretik hidrogelarekin garbitu beharko dira eskuak eta joan aurretik materiala desinfektatu beharko da. Ez dituzte dutxak irekiko eta bakoitzak xukadera, trapu bat eta ura eraman beharko ditu.