Hamaiketakoa eginez hasi dute Gazte Eguna anoetarrek. Talde desberdinetan bildu, eta asanblada egin dute, belaunaldi berriei ongi etorria eman eta ideia berriak biltzeko. Eguna ospatzen jarraitzeko bazkaria egingo dute gaztetxean bertan, eta arratsaldean, jolasak egingo dituzte. Afal aurretik, 19:00etan, Intziri taldeak kontzertua eskainiko du, eta afalostean, Joxpa eta Tasaund System taldeen kontzertuekin emango diote amaiera festari.