Anoetako PSE-EEren alkategaia: Jose Luis Vilanova

Maiatzaren 26ko udal hauteskundeetarako PSE-EE alderdiak Vilanova jarri du zerrendaburu. Tolosan hiru legealditan zinegotzia izandakoa da.

Alderdiak jarritako erronkari aurre egiteko gogotsu dagoela azaldu du Jose Luis Vilanovak. Tolosako udalbatzan bildutako esperientzia azpimarratu nahi izan du PSE-EEren alkategaiak. "Anoetako boto emaileak gogotsu daude ordezkaritza sozialista bat ikusteko udaletxean; haize berri bat emateko asmoz joango gara", azaldu du.

Zerbitzu publikoak hobetzea, lanpostuak sortzea, hirugarren adinekoen arreta integrala izatea eta efizientzia energetikoa aipatu ditu bere politiken ardatzen artean, besteak beste.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!