Honenbestez, Tolosaldeko euskararen mahaiaren konpromiso adierazpena onartu zen alde batetik, Udalak euskararekin duen konpromisoa berretsiz beste behin ere.
Gainera, martxoaren 8ko greba feminista babesteko erakunde adierazpena ere onartu zen aho batez. Honen harira, udalak, herriko mugimendu feministak antolatutako egitarauarekin bat egiten duela adierazi nahi izan du.
Azkenik, otsailaren 27an ospatzen den Sahara Errepublika Arabiar Demokratikoaren urteurrenari buruzko erakunde adierazpena ere onartu zen aho batez. Urteurrena eta aldarrikapen honekin bat eginez, saharar bandera jarri zen otsailaren 27an, udaletxeko balkoitik zintzilik.