Anoetako Udalak deialdi bat zabaldu du bitarteko funtzionario bat izendatzeko

Lan poltsa ireki du landa-munduarekin eta ingurune naturalarekin lotutako zerbitzua betetzeko.

Zerbitzu horrek honako eginkizun hauek hartzen ditu barne:

a) Herri-bide, mendi-bide eta baserri-bideen inbentarioa.

b) Herri-ondare kulturalen mantenua eta egoeraren jarraipena.

c) Bertako Bertatik kanpainaren jarraipena egitea eta talde sustatzailea dinamizatzea.

d) Herritarren ingurumenarekiko sentsibilizazioan eragitea.

e)Urtean bi irteera dinamizatzea: herriko baserriak, ekoizleak eta herriko mendiak ezagutzeko.

f) Lorezaintza-lanak ikuskatzea eta herritarren sentsibilizazioa sustatzea.

g) Herri-lurren eta herri-baratzeen egoeraren jarraipena egitea.

h) Agenda 21 programari dagokion partaidetzaren jarraipena egitea.

i) Landa-eremuko jakintzak berreskuratzea eta horiek mantentzeko lanen jarraipena egitea.

j) Ekintza kulturaletan bertako produktuak txertatzea.

k) Haur eta gaztetxoen aisialdi-eskaintzetan ingurumen-hezkuntzaren oinarriak lantzea.

l) Landa-eremuen bizi direnen bizi-egoera aztertzea.

Eskaera orriak behar bezala beteta aurkeztu beharko dira Anoetako Udaleko erregistro
orokorrean, deialdiaren iragarkia argitaratu denetik 10 laneguneko epean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!