Larunbat honetan, otsailak 2, 17.30ean liburutegian bilduko dira. “Zer da feminismoa zuretzat?” galderaren bueltan, M-8ko greban egingo den bezala, zaintza erdigunean jarri eta hizketaldietarako gunea sortuko dute.
Herriko belaunaldi ezberdinetako emakumeon* artean sarea eraikitzeko asmoa dute Anoetan. "Aurreko greba feministak erakutsi zigun emakumeon* bizitzetan eta gorputzetan jasaten ditugun indarkeria eta desorekei planto egiteko gogoa eta indarra badagoela", esan dute tailerraren deitzaileek. "Batzuk urte luzez borrokan dabiltzanak, besteak gaztetasunaren haize berriaz hasiberriak, baina baita urte luzez isilik egondako emakume* asko ere, guztiak elkarrekin kalera atera ginen".
M-8koa ez dadin egun bakarreko topagune izan, anoetako emakume* guztiak gonbidatu dituzte tailer honetan parte hartzera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
