Anoetako Herri Ikastola, Jolas eta Ekin elkartea, Anoetako Udala eta herriko baserritarren arteko elkarlanaren emaitza izan dira irteera hauek. Ikastolako DBH4ko ikasleek Sarobe eta Barrundi baserrietara irteerak antolatu dituzte, herrian ekoizten dena eta baserrietako bizimodua bertatik bertara ezagutzeko asmoz.
Lehen aldiz egin den ekintza izan da eta arrakasta handia izan du, guraso eta haurren artean, 55 lagunek hartu baitute parte. Hala, herriko ekoizle eta kontsumitzaileen arteko zubiak eraikitzeaz gain, etxeko txikienek ukuiluan nahiz baratzean aritzeko aukera izan zuten. Goiza, bertako produktuekin osatutako hamaiketakoa eginez amaitu zuten.