Elgoibar, Aretxabaleta, Hernani eta Amurrioko jaialdietako bertsoaldiak entzutearekin batera, pala-jokalari eta pilotari anoetarrari egindako elkarrizketa izango da entzungai, Hitzetik Hortzeran, igandean 15:00etan ETB1en.
Maider Mendizabal izango da igandeko Hitzetik Hortzerako gonbidatu nagusia. Pala-jokalariak mundu mailako txapelketetan sari handiak irabazi ditu, eta beste modalitateetan ere ibili da eta badabil; esaterako, pasa den urtean Emakume Master Cup lau t'erdiko eskuz banakako txapelketan txapeldunorde geratu zen.
Pilotan jokatzeaz gain, emakumeen kirola sustatzeko hainbat proiektutan ere aritu da lanean. Bere ibilbideaz eta bertsolaritzarekin duen harremanaz hitz egingo du igandeko Hitzetik Hortzeran.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
