16 urteko Anoetako mendizale bat erreskatatu behar izan dute larrialdi zerbitzuek, helikopteroz, Loatzo mendian erori eta gero.
11:10 aldera gertatu da istripua. Ertzaintza eta suhiltzaileak bertaratzen saiatu dira, baina elurraren ondorioz ezin izan dute gaztea zegoen lekura iritsi; hori dela eta, helikopteroz erreskatatu behar izan dute.
Helikopteroa Usabal Kiroldegiko futbol zelaian lurreratu da, eta bertan anbulantzia bat zegoen zain. Asuncion Klinikara eraman dute, traumatismo gogor batekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!