Anoetako kiroldegi ondoko zelaian 9 zaldi lehiatu dira arratsaldean, Gurdi kooperatiba elkartearen laguntzaz. Bi fasetan egin dute txapelketa; denbora hoberena egin dutenak finalera pasa dira eta besteek kontsolazioa jokatu dute. Finaleko irabazlea Maskota Jose Manuel izan da eta Alex Aramendiak egin du bigarren. kontsolazioan berriz, Imanol Mujikarentzat izan da lehen postua eta Iker Elosegirentzat bigarrena.
Zaldi lasterketaren ondoren, eta dantzari txiki eguna ospatu dutela kontuan izanik, Anitz dantza taldeak emanaldia eskaini du plazan eta taloak dastatzeko aukera izan dute bertaratu direnek.