18:00etan hasiko da festa, Anoetako plazan. Euskal Herrian ekoiztutako garagardoen aldeko apustua egin dute aurten, eta bertan ekoiztutako lau garagardo dastatzeko aukera izango da: Zerb (Arrasate), Etxeko Bob´s Beer (Hazparne), Gar Gar (Donostia) eta Olañeta (Errenteria).
Azokaren ondoren, afaria eskainiko dute gaztetxean. Lehen aldiz, afari begetarianoa ere egongo da aurten nahi duenarentzat. Afariaren ondoren, gaztetxean jarraituko du festak: DJ Pandub Selektah eta lagunak arituko da musika jartzen.
Antolakuntza kideek pitxarra etxetik eramateko deia egin dute. Bakoitzak nahi eta ahal duenera arte, beraz, festa izango da Anoetako gaztetxean.