Udal liburutegi berria inauguratzeko, ostegunean bertan, Haur Hezkuntzako bigarren mailatik Lehen Hezkuntzako bigarren mailako gaztetxoentzat ipuin kontaketa saioa izango da 17:30ean. Apika, zenbat buru, hainbat liburu izenburuarekin emango dute.
Bestalde, ostiralean, 2 eta 12 urte bitarteko haurren gurasoentzat, hitzaldia antolatu dute. Galtzagorri elkarteko Imanol Mercero eta Iñaki Markotegik emango dute. Haurrei irakurtzen laguntzeko irizpideak emango dituzte: zer aukera dugun, irudien indarra, irakurketa familian, irizpideak liburu egokiak aukeratzeko... Udal liburutegi berrian izango da saioa, 15:15tik 15:45ra.