Jakiak, tresna ezberdinak eta animaliak ikusteko aukera zabala egon da Anoetako plazan. Arratsaldean berriz, bazkaria izango dute lehenik eta desafioa ondoren. Herriko gazteak, zaldi batekin arituko dira lehian eta ikuskizuna ziurtatuta egongo da.
Arratsaldean 17:30ean, desafioa antolatu dute. Herriko zortzi gazte, lau neska eta lau mutil, arituko dira lasto fardo bati tiraka 20 minutuko txandan, giza probarako erabiltzen den egitura baliatuz. Aurrez aurre, zaldia izango dute 800 kilo harriari tiraka. Zeinek plaza gehiago egin lehiatuko dira.
Giroa alaitzeko, 19:00etatik aurrera, talogileak izango dira plazan eta erromeria jarriko dute Izer eta Alabierrek. Eguna amaitzeko, 23:30tik aurrera, Joxe Replay taldeak kontzertua eskainiko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
