Urtero moduan, Anoetako Gazte Asanbladak gazte berriak gonbidatu ditu gaztetxera, Gazte Egunaren bitartez. Hainbat ekitaldi egin zituzten larunbatean: gosaria, ongi etorri asanblada, sagardo dastaketa, bazkaria, jokoak, kalejira Berastegiko batukadarekin, afaria eta kontzertua. 15 gazte inguruk eman zuen lehen pausoa gazte asanbladako kide izateko, eta egunean zehar 75 pertsona inguruk parte hartu zuten ekitaldietan.
Anoeta Gaztetxearen hurrengo hitzordu nagusietakoa urrian egingo duten Urrifest jaia izango da. Hainbat garagardo dastatzeko aukera izango da.