Lehenengo partidan Arabako txapeldunen aurka erraz irabazi zuten, 3-0eko emaitzarekin. Bigarrenean, berriz, Araba eta Bizkaiko taldeek 3-3 berdindu zuten.
Gipuzkoar eta bizkaitarren arteko azken partidan erabakiko zen, beraz, txapeldunaren izena. Valentin de Berriotxoa ikastetxearen aurka jokatu zuten anoetarrek, eta hasiera bikaina eman zioten neurketari. 2-0ekoarekin aurre hartu zuten markagailuan, baina bizkaitarrek berdinketa lortu zuten. Partidak, ordea, amaiera zirraragarria izan zuen, eta Anoetako Herri Ikastolako gazteek hirugarren gola lortu zuten. 3-2koarekin amaitu zen, eta hortik aurrera, festa.