Azken lau urteen inguruan zer azpimarratu nahiko zenuke?
Nabarmenduko nuke bereziki esperientzia oso aberatsa izan dela pertsonalki. Udal taldekoon artean oso harreman eta giro ederra izan dugu. Eta horri esker urratsak eman ditugu herriaren alde. Baita ere goraipatu nahiko nuke herritarrekin batera egindako bilerak eta elkarlana. Horri esker udaletik proiektu guztiak adostutakoak izan dira herritarrekin. Harro sentitzen gara horrekin.
Datorren legealdirako osatu duzuen programatik zer nabarmenduko zenuke?
Herritarrekin egindako programa da. Ez da goitik egindako programa. Urrian biltzen hasi ginen herritarrengandik proposamenak: gazteak, helduak, etorkinak, langileak, ikasleak... Beraiekin egindako programa da. Hiru ardatz nagusi ditu: parekidetasuna, kultur aniztasuna eta euskara.
Eta proiektuei dagokienez?
Proiektu garrantzitsuena herritarren jarraikortasunean sakontzea. Politika ulertzen dugu orain arte ulertzen ez den bezala. Esperientzia hartu dugu lau urte hauetan, beraien jabekuntzan sakondu dugu. Hori kudeatzea tokatuko zaigu. Noski baditugula proiektuak, eta zehaztu ditugu programan, baina helburu nagusia, esan bezala, herritarrekin batera joatea da.
Zergatik bozkatu beharko lukete anoetarrek EH Bildu?
Gure proiektu guztiak herritarrekin adostuta eraman nahi ditugulako aurrera. Azpitik gorako bidea egin nahi dugu. Sentitu nahi badute herritar eta parte aktibo bezala, gure proiektua da horretara ahalbidetzen duen bakarra.