'Libre' dokumentala Anoetako Gaztetxean

Anoetako Gaztetxea XV. urtemuga ospatzen ari da, eta otsailetik apirilera bitarte, hilabete bakoitzean, gai ezberdin bat landuko dute. Desobedientzia Hilabetea antolatu dute otsailerako. Otsailaren 14an, ostirala, Tolosako Ernaik egindako 'Libre' dokumentala ikusiko dute asanbladaren ondoren. Dokumental horrek Espainiako Auzitegi Nazionalean epaitzen ari diren 40 gazteetako gure eskualdeko hiruren istorioa kontatzen du (Irati Mujika, Aritz Lopez eta Mikel Ayestaran) eta beraien senide eta lagunen testigantzak jasotzen ditu.