Aldiz, ikasturte osokoak ez direnetan, berriz, ikastaroan matrikula egin eta gehienez ere 15 egunera egin beharko da eskaria. Ikastaro amaieran aurkezten duten horiei ez zaie eskabidea onartuko.
Lehenik eta behin, udaletxeko eskabide-orria behar bezala bete beharko da. Dokumentu hori udaletxean bertan eska daiteke, edota www.anoeta.net webgunetik lortu daiteke. Ondoren, honako dokumentazioa aurkeztu beharko da udaletxean: nortasun agiriaren fotokopia; banketxeak edo kutxak emandako agiria, kontu horren titularra zarela egiaztatzen duena; matrikularen ordainagiria; euskaltegiko matrikula-orria edo eskaera-orria; jubilatuen kasuan, hori ziurtatuko duen agiria; langabetuen kasuan, Lanbidek izen-ematearen aldien inguruan egiten duen txostena; eta euskaltegiko ziurtagiria. Hau ikastaroaren amaieran aurkeztu beharko da, eta bertan euskaltegiak adierazi beharko ditu ikasleak ordaindu duen matrikula-kopurua, asistentzia eta klaseen aprobetxamendua.