Aurtengo jaiak iragarriko dituen, teknika libreko kartel lehiaketa antolatu du Anoetako jai batzordeak. Kartelak karratua izan beharko du (29,7 zm. x 29,7 zm). Lanak aurkezteko epea, apirilaren 22an amaituko da, eta data hori baino lehen udaletxean edo liburutegian utzi beharko dira. Bi sari izango dira: herri ikastolako ikasleentzat Kuku-Loren erosteko 40 euroko bonoa; eta gainontzekoentzat 120 euroko saria. Aurkeztutako lan guztiekin erakusketa bat antolatuko dute ondoren.