Jauregiko eremuko plan partzialaren tramitazioak aurrera jarraitzen du, eta behin betiko gauzatzen denean, etxebizitza berriez gain, aparkaleku publiko berriak sortuko ditu udalak, inguruko mugikortasuna eta aparkatzeko aukerak nabarmen hobetzeko.
Bitartean, ordea, gaur egun auzoan aparkatzeko dauden zailtasunak arindu eta herritarrei irtenbide praktiko bat emateko helburuarekin, behin-behineko aparkaleku bat egokituko du udalak, etorkizunean etxebizitzak eraikiko diren lurzatiaren zati batean. 20 plazako aparkalekua izango da, eta lanak aste honetan bertan hasi dituzte.
