Urtebete baino gehiago darama martxan Amezketako ostiraleroko azokak, eta dagoeneko pixka bat egonkortu dela diote antolatzailek. Dena den, azokari indar gehiago emateko eta herritarrak erakartzeko helburuz, bereziagoa egin dute ostiral honetakoa.
Hala, esaterako, ohikoa baino postu gehiago izan dira aukeran plazan, hamabi postu inguru, hain justu. Gainera, zozketa ere antolatu dute, mokaduak jateko aukera izan da, eta baita edatekoa ere. Horrekin batera, garai batean artzainek erabiltzen zuten sunpriñua musika tresna egiten ikasteko tailerra ere jarri dute.