Igandean, apirilak 26, Amezketako Zuzitza baserria ezagutu eta bertako lanak nolakoak diren ikusteko aukera zabaldu dute. Bisita gidatua egingo dute, eta plaza mugatuak direnez, aurrez izena eman behar da 670 534 327 telefono zenbakian. Bisita gidatua 10:00etan hasiko da, eta hara joateko plazan elkartuko dira 09:45ean kotxeetan antolatzeko. Kotxea eramateko aukera dutenek aurrez jakinarazteko eskatu dute.
Pasa den azaroan aurkeztu zuten Elikalur, eta ordutik ekimenak antolatzen ari dira. Gabonetako azoka egin zuten abenduan, eta orain Zuzitza baserria ezagutzeko aukera emango dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!