Santu Guztien Eguna dela-eta Amezketan, ohi bezala, argizaiolen elizkizuna egin dute. Bartolome Deunaren elizan bildu dira dozenaka amezketar zein bisitari eta pixkanaka-pixkanaka piztu dituzte sendiko argizaiolak. Berritasun bat izan du aurten ekitaldiak, izan ere, amaitutakoan kanpoan Argizari-Cera argazki-liburua eros zitekeen, zeina Joseba Urretabizkaiak eta Fernando Hualdek osatu duten eta, bestak beste, argizariak euskal kultura tradizionalean duen garrantzia jaso duen.
Amezketako 115 argizaioletatik 112 zein baserri eta familiatakoak diren identifikatu dituzte, eta horretan lagundu die Agurtzane Garmendia amezketarrak beste zenbait herritarrekin batera. Argazki-liburuaz gain, poster bat ere osatu dute argizaiola guztien argazkiekin eta hori ere salgai izan dute elizaren atarian.
