Urtearen hasieran herriko azoka berreskuratzen hasi ziren Amezketan; hiru postu izan ditu orain arte eta, hemendik aurrera, laugarrena ere jarriko dute «ostiralero ez bada ere».
Herriko plazan ostiralero hainbat postu izaten dituzte Amezketan, besteak beste, bertako produktuak erosteko. Orain arte hiru postu biltzen ziren astero: fruta saltzailea, Larreta esnekiak eta Eguzki Leire okina. Bada, hemendik aurrera, laugarren bat ere batuko zaie, hain zuzen, AralaReko ekoizlea.
Herriko ekoizlea da AralaReko eta «ostiralero ez bada ere», aurrerantzean, asteko hitzordu horretan izango da postua jartzen moxal haragia eskaintzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
