Datorren urtean 50 urte beteko dira inauterietako talai dantza berreskuratu zutela. 1976. urtean berreskuratu zuten Zazpi Itturri Elkartearen bueltako hainbat herritarrek eta, ordutik, urtero bete dute ohitura, salbuespen batekin: pandemia dela eta bakarrik utzi diote egiteari.
Urteurrena dela eta ostiralean, hilaren 15ean, lehen bilera egingo dute 19:30ean Zazpi Iturri Elkartean, eta dei egin diete ekitaldian parte hartu izan duten herritar guztiei. Horrez gain, antolatzaileek harremanetan jartzeko dei egin diete lehen bilera horretara joaterik ez, baina antolatzen lagundu nahi dutenei.