Larrunari pilotalekuan ospatuko dute inauteri jaialdia Zumadi eskolako ikasleek. Aurretik eskolan guraso elkartekoek hamaiketako banatu diete ikasleei zein irakasleei eta guztiak kalejiran eskolatik herriko frontoira jaitsi dira. Txikienak arrantzale mozorroekin. Azken hilabeteen landutako proiektua itsasoa izanik, mozorroak eta dantzak gaiarekin lotu dituzte.
Lehen Hezkuntzakoek ordea, euren mozorroak unibertsoari loturik osatu dituzte. ET filmeko lagunak gerturatu dira Amezketara, NASAko astronautek ere Larrunarriko lurra zapaldu dute, Irulegiko eskua ikustera Lurraz bestalde gerturatu dira estralurtarrak, Star Wars-eko Jedi gudarien ezpatak dantzan ikusi dira eta Espazioko Olinpiadak ere lehiatu dituzte planeta ezberdinek.