Amezketan zaldiaren inguruko hainbat ekitaldi egingo dituzte gaur. Goizean plazatik abiatu da zaldi ibilaldia, herriko elkartean gosaria egin ondoren. Larrondotik Azkarate aldera egingo dute eta Bedaiotik barrena Ugartera jaitsiko dira ondoreon, handik berriro Amezketara itzultzeko. 30 parte hartzaile baino gehiago izan dira I. Zaldi Martxa honetan eta giro onean abiatu dute ibilaldia.
Parte hartzaileek gero Beartzana jatetxean bazkalduko dute eta arratsaldean triki-poteoa ere egingo dute. Gauean udalak zahagi-sagardoa jarriko du frontoian eta norberak eraman ahal izango du bere afaria. Festa giroa jarri nahi dute antolatzaileek.
