Amezketatik Ugartera doan bizikleta eta oinezkoentzako ibilbideak erasandako jabe guztiei dei egiten die Gipuzkoako Foru Aldundiko Mugikortasun, Turismo eta Lurralde Antolaketako Departamentuak. Egintza horretara jabeek beraiek etorri behar dute, edo bestela bere izenean jarduteko behar bezala baimendutako ordezkariek joan beharko dute, bakoitzari zehaztutako egun eta orduetan. Jabetzaren egiaztagiria eman beharko da, eta nahi izanez gero, perituak eta notarioak lagunduta joateko aukera egongo da.
Halaber, eta Nahitaezko Desjabetze Erregelamenduak 56.2 artikuluan xedatzen duenari jarraituz, interesatuek edota interes ekonomikoen jabe direnek, egoki deritzon alegazio idatziak aurkez ditzakete Foru Aldundiko Lurzoruaren eta Ondarearen Kudeaketako Zerbitzuan, Lurrak Hartu Aurreko Aktak egiteko eguna baino lehen.