Duela bi aste, Amezketan Cl@ve sinadura digitala ateratzeko aukeraren berri eman zuen udalak eta epea zabaldu zuen interesa zutenek izena emateko. Bederatzi amezketarrek eman dute izena eta Gobernuaren Gipuzkoako Ordezkaritzarekin adostu dute otsailaren 15ean, asteazkena, 10:30etik aurrera, udaletxean sinadura digitalari buruzko saioa egitea, Administrazioa zugandik gertu ekimenaren barruan.
Amezketar talde batek interesa agertu duela ikusita, oraindik interesatuta egon daitezkeen amezketar guztiei otsailaren 15eko saioan parte hartzeko gonbita luzatu die udalak, izena eman beharrik gabe eta egun horretan udaletxera bertaratuz, ordenagailuarekin nahi izanez gero.
