Azken finalekin alderatuta, frontoiko giroa izan da bi pilotariek gaur jokatu duten partidaren desberdintasunik handiena. Izan ere, animo mezuak eta txalo zaparradak bueltatu dira gaur Bizkaia frontoiko harmailetara. Eserlekuak guztiz bete dituzte ikusleek, 3.000 lagun inguru elkartu baitira gaurko Lau eta Erdiko Txapelketa finaleko partida zuzenean ikustera.
Partida hasteko urduri bazeuden ere, ikusleek argi utzi dute zein den faboritoa: “Jokin faborito ikusten dugu, eta nik uste partida ateratzeko gai ere izango dela”. Altuna. III.a seigarrengoz iritsi da gaurkoan finalera. Aurreko bost finaletatik bi irabazi bazituen ere, gaur bere eguna zela zioten: “Txapelak hirugarrengoz Amezketan bukatuko du”.