Inauteririk ezin izan badute ere ospatu Amezketan, Talai dantzariek aurten ere etxe atari guztietara iritsi nahi izan dute bideo bidez bada ere.
Amezketako Talaik bideo bat osatu dute herritarren artean zabaltzeko. Dantza, musika eta makil hotsak bide bidez zabaldu dituzte. Azken 45 urteetan urtero-urtero hutsik egin gabe pasa dira herriko etxe atarietatik, baina aurten izurriteak eten du hein batean.
Hala ere, makil hotsak zabaldu dituzte, eta Talai dantzariek mezu garbia utzi dute 2022ra begira: "Berriro ere elkartuko gera zuen etxeko atarian".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!