Amezketako Udalak historia lana egin nahi du herrira begira, eta horretarako herritarrei laguntza eskatu die. II. Errepublika, 36ko gerra eta Lehen Frankismoko datuak lortu nahi dituzte.
Informaziorik duten herritarrek daukaten informazioa emateko bulegoa zabalduko du abenduan. Aurrez aurrekorako tokia kultur etxeko Jubilatuen Txokoan izango da, 10:00etatik 12:00etarako ordutegian.
Abenduaren 7, 9, 10 eta 11n egongo da zabalik datorren astean, eta hurrengoan, 14tik 18ra aste osoan izango dute aukera kultur etxetik pasatzeko.
Ordutegi horretara moldatu ezin denarentzat berriz telefono zenbaki bat jarri dute deitu ahal izateko: 677 746 360.