Amezketako Udalak, azken urteetan, aurrerapauso handiak egin direla dio herrian "txakur jabeekin elkarbizitza hobetzeko". Hala ere, badira oraindik "hobetzeko puntuak".
Honen harira, Amezketako Udalak kexa batzuk jaso ditu azken aldian adierazi du, "herriko hainbat txakur jaberen inguruan". Kexa horien bidez, udalak jakin du "txakur batzuk beraien jabeen eremu pribatutik kanpo ibiltzen dira jabeen kontrolik gabe (errepideetan, espaloietan…)". Horrek arazo bat baino gehiago sortzen dituela ekarri dute gogora. Alde batetik, segurtasun arazoak, eta bestetik, kontrolik gabe dabiltzanez pixa eta kaka edozein tokitan egiten dituztela.
Udaletik dei egin diete txakur jabe horiei, "beraien eremu pribatutik kanpo dabiltzanean txakurrak kontrolpean izan ditzatela" azpimarratuz, eta "denon elkarbizitzaren mesederako" izango dela gogorarazi diete.