Gainean Idiazabal gazta bat eraman du Ganboak, helmugan Erronkariko gazta batekin trukatzeko. Bi herrien arteko loturaren bidez, landa eremuko bizimoduaren eta hiriko bizimoduaren arteko zubiak eraiki nahi dira, horretarako bi gazta, bi jatorri izendapen, bizimodu bat eta ogibide bat abiapuntu hartuta. Arruazu-Izaba, 170 kilometroko ibilbidean Iker Karrera amezketarra izan du ondoan Ganboak.
Aritz Ganboa Arruazuko artzainak lasterka Arruazu eta Izaba lotu ditu. Artzaintza eta horren inguruko ondarea balioan jartzeko egitasmoa da. ‘Bideak’ izeneko dokumentalak bilduko du erronkaren eta ondare horren berri.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!