Altuna III.ak eta Zabaletak irabazi dute Codere Txapelketa

Tolosaldeko Ataria 2019ko urr. 7a, 08:48
Argazkia: 'baikopilota.eus'

Iruñeko Nafarroa Arenan jokatu zen finala atzo. 22-19ko emaitzarekin irabazi zuen amezketarrak txapelketaren hirugarren edizioa.

Faboritoak Irribarria eta Rezusta ziren, partida hasieran. Lehen tantoa Jokin Altunarena izan baldin bazen ere, 6-1 jarri ziren aurretik Irribarria eta Rezusta. Bergarako atzelaria San Mateotako finalean bezala ari zen jokatzen, pilota guztiak gozatuz eta nagusitasun handia erakutsiz. Amezketarra, ordea, ez zegoen berriro partida galdu eta etxera "gustura" joateko gogoarekin. Lehen erreakzioaren ondoren, lehen atsedenaldira 12-8ko emaitzarekin joan ziren. Partida erabat gogortu zen eta lau pilotariek bere maila erakutsi zuten. Berdinketa bigarren atsedenaldiaren ondoren etorri zen, 18na. Urriaren 14an lau eta erdikoan jokatzen duen Altuna III.ak sustoa eman zuen, orduan, paretaren aurka kolpea hartuz. Hala eta guztiz ere jarraitzeko moduan izan zen amezketarra. Azkenean, 22-19 nagusitu zen Altuna III-Zabaleta bikotea. Eskualdeko pilotariak 11 tanto egin zituen, lau kalerekin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!