Jarduera ezberdinetan diharduten kideak direla azpimarratu dute, eta udaletxean esperientzia dutenak direla. Amezketako lehen emakumezko hautagaia da Ainhoa Zuriarrain.
Helburuen artean jarri dituzte: "Amezketa hobe bat izatea, eta herria indartzea, hau da, biziberritzea". Jarduera ekonomikoan sakonduko dute, "lanpostuak hortik datoz, eta baita gauza publiko asko egiteko modua ere". Bestetik, nekazaritza alorrean jarriko dute indarra "Amezketako lurren %80a baino gehiago nekazaritzako lurrak direla kontuan hartuta". Gaineratu dute, "Amezketako etxebizitzen arazoa urteetan hor dago konponbiderik gabe", eta irtenbidea emango diotela esan dute.
Zerbait egin beharreko gune moduan zerrendatu dituzte San Martin edota Ugarte auzoa, esaterako.
Kanpainaren barruan aurkeztuko dutela programa guztia argitu dute.
Zerrendako kideak:
- Ainhoa Zuriarrain Etxaniz.
- Julian Sagastume Garmendia.
- Joakin Galarza Garmendia.
- Jose Antonio Artola Mugika.
- Itziar Altuna Blanco.
- Itziar Etxeberria Iruetagoiena.
- Leire Sagastume Oroz.