Altuna III.ak ongi daki igandeko partida erabakigarria izango dela; "horrez gain, Iñaki (Artola) eta hauen partidari begira egongo beharko dugu. Guk gurea irabazi beharra daukagu". Amezketarrarentzat txapelketak gazitik gehiago dauka gozotik baino: "Zaila doa. Ez gara ari gozatzen. Aurkariak gu baino hobeto ari dira jokatzen eta askotan sufritzea tokatu zaigu. Ondo ari zarenean oso erraza da dena, baina bestela ez". Txapelketa bukatu arte dena emateko prest agertu da Jokin Altuna: "Pilotarioi lehiatzea gustatzen zaigu, eta horretan saiatuko gara; bukaerara iritsi arte bizirik egoten saiatuko gara".
Tolosako jaialdia
Urtarrilak 27, igandea, 17:00etatik aurrera
Ugalde -Jaunarena
Peña II - Aranguren
Altuna III - Martija
Irribarria - Zabaleta
Dario - Ruiz
Arteaga II - Urretabizkaia II