Amezketako argazki lehiaketako saridunen izen-abizenak argitaratu dituzte

31 herritarrek hartu dute parte Amezketako udal egutegia osatzeko argazki lehiaketan. Orotara 84 argazki aurkeztu dituzte, eta epaimahaiak aukeratu ditu saridunak.

Alkateak, zinegotzi batek eta Zumadi Eskolako irakasle batek osatu dute epaimahaia, eta nabarmendu dutenez, «argazki asko aurkeztu ez ezik, argazkien maila estetiko ederra eta ikusgarria» izan da: «egutegi bat baino gehiago osatzeko modukoak, zalantzarik gabe».

Hauek dira saria jasoko duten herritarrak: Alaitz Labaien (bi aldiz), Aiora Aranburu, Aitziber Alustiza, Enaitz Telletxea, Garazi Arregi, Ixiar Altuna, Izaro Arebalo, Joxe Mari Mujika, Lenengo Telletxea, Maider Gaztelumendi, Nerea Unsain eta Zuhara Telletxea. Argazki bakoitzeko 50 euroko diru-saria jasoko dute.

2019ko udal egutegia etxez etxe banatuko dute datozen asteotan.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!