Inpernuerreka-Larrondo eta Ondarreko langara doazen bideak garbitzeko auzolanerako deialdia egin du Amezketako Udalak. Auzolana abenduaren 6an eta 8an, 09:00etatik 14:00ak arte, egiteko asmoa dute.
Ondorengo lanak egin nahi dituzte bide horietan: eroritako zuhaitzak moztu eta kendu bidea txukun utziz, zabor bilketa, ubideak garbitu, eta orokorrean bide garbiketa eta txukunketa.
Auzolanean parte hartzeko asmoa duten guztiek abenduaren 3rako, egun hori barne, udaletxean izena ematea komeni dela azaldu du udalak, bi eguneko lanaldia babesteko denboraz asegurua egin ahal izateko. Abenduaren 4an, 20:30ean, bilera egingo da kultur etxeko areto nagusian zereginak eta lanak antolatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!