Gaur hasi dira Euskal Antzerki Topaketen barruan egin ohi dituzten gaztetxoei eta eskolei zuzendutako emanaldiak, Azpeitian. Amezketako Zumadi eskolako ikasleak izan dira gaurkoan.
Azpeitiko XXXVI. Euskal Antzerki Topaketen barruan, gaur eman diete hasiera eskolei eta gaztetxoei zuzenduriko antzerki emanaldiei, Amezketako Zumadi eskolako ikasleen emanaldiarekin.
LH3tik LH6ra bitarteko ikasleak igo dira Soreasuko oholtzara, eta saioarekin hasteko, jostailugile baten istorioa kontatu dute. Hori azaltzeko, pailazoak, sorginak nahiz dantzariak igo dira agertokira, eta beste hainbat haurrek zuzenean abestu dute.
Argazki gehiago: Urola Kostako Hitzan
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!