Erraz irabazi dio Jokin Altunak Victorri. Partida berdinduta hasi da, baina launa berdindu ondoren, 14-4 alde egin du amezketarrak eta aldeari eutsi dio.
Akats asko egin ditu errioxarrak, pilota asko galduz eta aukerakoak behar bezala ez baliatuz. Altuna, berriz, sendo aritu da defentsan, eta ez du asko arriskatu.
Altunaren garaipenarekin, osatuta gelditu da lau eta erdiko txapelketako finalaurrekoen koadroa. Amezketarrak Bengoetxea izango du aurkari, eta Ezkurdiak eta Urrutikoetxeak jokatuko dute beste neurketa.