Izan ere, euskaldunon artean, hainbat egoera sortzen dira euskararen eguneroko erabileran, solaskidea gazteleraz hasten denean edo euskaratik gaztelerara hain errez pasatzen denean elkarrizketa batean, eta tailer honek aholku edo iradokizun zehatzak eman nahi lituzke, modu praktiko batean, egoera horietan euskararen erabilera bultzatu eta bideratzeko.
Euskaraldia ariketa soziala da eta euskaldunon eta euskara ikasteko bidean daudenen hizkuntza ohiturak aldatu nahi ditu. Eta edozein ohitura aldatzea nekagarria denez, tailer honen bitartez, eta Euskaraldiak irauten duen 11 egun horietako bidea errazteko, euskal hiztunei hizkuntza praktikak hobetzeko jarraibide eta aholkuak eskainiko dira. Tailerra interesgarria izango dela diote antolatzaileek eta amezketarrak animatu dituzte parte hartzera.