Amezketako Udalak irteera antolatu du uztailaren 2rako. Lehentasuna 60 urtetik gorakoek izango dute, baina autobusa betetzen ez bada, gainerako herritarrek ere joateko aukera izango dute.
Bidaiari dagokionez, goizean Gernikako juntetxea eta arbola bisitatuko dituzte, eta herria bera ere bai. Ondoren, Lekeitiora joango dira Beitia-barri jatetxean bazkaltzeko, eta gero arratsaldean herria ezagutzeko aukera izango da.
Txartelaren prezioa pertsonako 30 eurokoa da, eta izena emateko egunak gaurtik hasita ostirala arte. Horretarako udaletxera joan edo bertara deitu behar da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?