Julen Retegiri 22-12 irabazi ostean, Altunak datorren asteartean jokatuko du Buruz Buruko Txapelketako final-laurdenetako norgehiagoka. 17:00etan hasiko da jaialdia, eta aurrez promozio mailako partida jokatuko dute Erasun zizurkildarrak eta Ugaldek.
Pilotekin konforme geratu dira bi protagonistak. Altuna III.ak 105 eta 105,5 gramoko pilotak aukeratu ditu. Pilotari bizkaitarrak, berriz, antzeko pisua dutenak: 105,2 eta 105,1 gramokoak.
Zaratamoko pilotariak amezketarraren arriskuaz ohartarazi du aukeraketa ostean: "Ez dut aintzat hartzen Jokin buruz buru pilotari peto-peto ez dela entzutea. Oso arriskutsua da, tantoak erraz bukatzen ditu, jo ere egiten du, eta defentsan onenetarikoa da”.