Euskal Herriko Kluben arteko Txapelketa Nazionaleko finalaurrekoan da Zazpi Iturri. Lau t'erdiko eta eskuz banakako neurketak irabazita egin du aurrera Amezketako taldeak.
Lehen neurketan, lau t'erdikoan, Zubiria 18-9 garaitu zuen Aldabe. Berrobitarrak argi utzi zuen espezialista dela kaiolakoan. Eskuz banaka, Egiguren tolosarrak neurketa bikaina jokatuta 18-8 hartu zuen mendean Tabar beteranoa. Eskuz binaka, berriz, doneztebetarrak izan ziren garaile. Peru Labakak eta Aizpuruk osatutako bikoteak ezin izan zuen Barandiaran eta Mariaezkurrenaren aurka: 18-22, amaieran.
Hortaz, Amezketako taldea finala jokatzeko pauso bakarrera dago. Ultzamako Buruzgain taldearen aurka arituko dira amezketarrak, otsailaren 4an, Beotibarren. Beste finalaurrekoa, Irurtzun eta Hernaniren artekoa, igande honetan jokatuko dute, hau ere Tolosan.