Amezketako Udalak Larrunarri pilotalekua erabat ixtea erabaki du obraren zuzendaritzarekin batera, egin beharreko lanak ikusi (harmailak berritu, instalazio elektrikoa berritu, frontoiko paretak berriro pintatu….) eta herritarren segurtasuna "bermatzeko" asmoz.
Gaztelekuko ekintzak Haurtzaindegi zaharrean egingo dituzte; frontoiko ohiko jarduerak, entrenamenduak eta partidak, berriz, herriko beste pilotalekuetan. Udalak jakinarazi duenez, frontoi ondoko eremu batzuk erreserbatu egin dituzte enpresaren ibilgailuentzako eta material eta hondakinak pilatzeko.
Udalak nabarmendu du, halaber, herriko plazan karpa bat jarriko dutela herritarrek aterpe bat izan dezaten, eta "pazientzia" eskatu diete herritarrei, "lanek mereziko dutelako".