Amezketako Kultur Asteko ekintzak amaitu dira gaur San Martin egunarekin batera. Goizean, meza eta hamaiketakoa izan dira San Martin ermitaren bueltan; arratsaldean, haurrentzako jolasak egin dituzte frontoian.
Bederatzi egunez kulturaz eta kirolaz gozatzeko tartea izan da Amezketan. San Martin eguna ospatu dute gaur, eta amaitutzat eman dituzte ekitaldiak.
Goizean, meza izan da San Martin ermitan, eta hamaiketakoa ere egin dute. Erretirodunak Txindoki jatetxean bildu dira bertsolariekin eta trikitilarekin; haurrak, berriz, jolasak izan dituzte begirale ikastaroa egiten ari diren ikasleen eskutik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
