Mendizaleak erorikoa izan du eta eskumuturra hautsi du. Goierriko suhiltzaileak bertaratu dira pertsona erreskatatzera eta Tolosako Asuncion klinikara eraman dute. Onik dago.
57 urteko mendizale frantsesa, 10 laguneko taldean bertaratu da goizean Txindokira. Erorikoa izan ondoren, eskumuturra hautsi du eta zorabiatu egin da. Goierriko suhiltzaileak bertaratu dira, baina azkenean zauritutako emakumezkoa bere kabuz jaitsi da menditik.
Larraitzen anbulantzia zuen zain eta lehen artapena egin ondoren, Tolosako Asuncion klinikara eraman dute sendatzera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?