Amezketako herri sarreran artzain baten eskultura dago, biribilgunean. Bertan, makil batean ikurrina eta estelada jarriak zituzten herritarrek. Desagertu egin ziren, ordea. Ondoren berriz jarri zituzten leku berean, baina susmoak zituztenez, zaintza ere jarri zuten. "Larunbat gauean Ertzainen furgoneta bat egon zen biribilgunearen ondoan, 23:30etik 00:30era. Haietako bat biribilgunera gerturatu eta makilari tiraka hasi zen. Oraingo honetan ikurrina bertan utzi zuten, baina estelada eraman zuten", azaldu dute amezketarrek. Gertaera grafikoki ere hartu zuten.
Bat kendu eta bestea jarri. Hirugarren estelada hurrengo egunean Amezketako sarreran zen. Oraingo honetan, ordea, biribilgunearen ondoko zuhaitzaren puntaren puntan.