Asorregi eta Larrañagaren doinuekin luzatuko dute jaia gaur eta atsedenaldian kuadrillen arteko sokatira desafioa ere izango dute. Oheratu aurretik txokolate jatea eta baratxuri zopa izango dute, hartara biharko jai egunari eutsi ahal izateko. Ekitaldiak goizetik hasiko dituzte eta arratsaldean Jokin Ezimendi harri-jasotzailea eta Aratz Mugerza eta Jon Irazu aizkolariak izango dira. Ingurutxoa izango da ondoren eta bukatzeko Lajaren trikiti doinuekin dantzaldia izango dute.
Amezketako Ugarte auzoan ere festak ospatzen ari dira. Ostiralean hasi zituzten jaiak eta goizaldera arte luzatu zituzten; herri afaria eta gero jolasak eta musika zein karaokea izan zituzten aukeran. Gazteagoak izan dira gaurko protagonistak eta puzgarriak eta zaldi ibilalditxoak izan dituzte aukeran.
Erlazionatuak
Gaueko parranda luzatuko da Ugarten
2017 urr 05 Amezketa
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!